19 May 2025
Séance Broschtkriibs – 17.05.2025

De 17.05. huet eng Ekipp vun Experte iwwer dat delikat Thema 𝗕𝗿𝗼𝘀𝗰𝗵𝘁𝗸𝗿𝗶𝗶𝗯𝘀 informéiert.

Ënnert de Leedung vum Dr Pit Duschinger, hunn eis Experte Dr Bérénice Hansen, Dr Stéphanie Béckené, Dr Alexandre Feidert, Dr Sarah Hendriks an den Dr Claude Schalbar iwwert d’Preventioun, den Diagnostik, d’Biopsie, d’Tumorkonferenz, d’Operatioune sou gutt wéi iwwert d’Vir- an d’Nobehandlung an der Onkologie sou wéi och den Encadrement vu Patientinne presentéiert.

Beim Encadrement vun de Patientinnen ass d’Wichtegkeet vun der Zesummenaarbecht mat de Partner Ministère de la Santé et de la Sécurité sociale Luxembourg, Europa Donna Luxembourg asbl, Fondation Cancer Luxembourg , Think Pink Lux , ALGSO – Groupe Sportif Oncologique ënnerstrach ginn.

Et bleift ervirzehiewen dass e fréien Diagnostik duerch reegelméisseg Selbstkontroll an eng Mammographie all zwee Joer, ganz wichteg sinn. Beim klengsten Zweifel net zecken an den Dokter froen!